समर्पन

म ताराहरुको बीचमा तिमिलाई कैले खोज्दिन

न त फुलहरुको बीचमा खोज्छु

सपनाको रानी भनेर पनि खोजिन

न कैले दन्त्यकथाको पात्रमा खोजे

भीडहरुमा भौतारिएर खोज्नु मेरो दैनिकि बनेन

न मलाई तिमी सौन्दर्यताको मन्चमा खोज्नुपर्छ भन्ने लाग्यो

तिमी मेरो हराएको चीज पो कहाँ हौ र ?

न मैले कहीँ राखेर बिर्सेको वस्तु ?

तथापि

खोज आवश्यक हो

था छ खोज जरुरी हो

प्राकृतिक निरन्तरताभित्र

खोज एउटा स्वाभाविकता हो

र त आखिर

तिमीभित्रै समाहित भएर

मैले त तिमिलाई तिम्रै रुपमा तिमीभित्रै खोजे

यथार्थ कुरा हो प्यारी

नियाल मभित्र तिमि, म भित्र तिमी देखिन्छौ नै

जसरी नियालीरहेछु मैले, तिमीभित्र आफैलाई

हो, सत्य कुरा यो नै हो प्यारी

खोज त आफै भित्र गर्ने हो हामीले ।

२०७६।१०।२४ - दोस्रो ऐनिभर्सरीको सन्र्दर्भमा लेखेको